)
Jarduera arloak
Zerbitzuak eta proiektuak
Buru osasun arazoak dituzten pertsonei laguntzeko opor-programak aisialdi inklusiboa eskaini nahi du. Honek, buru osasun arazoak dituzten pertsonei aisialdiaz eta denbora libreaz gozatzeko aukera eta pertsona horiek gizarteratzea ahalbidetzea du helburu. Aldi berean, familiak lagundu nahi ditu oporraldiak dakarren atsedenaren bidez.
Programa hau gure elkarte parte-hartzaileekin batera gauzatzen da eta eskaintzen ditugun zerbitzuak osatzeko balio du.
Federazioak aholkularitza juridikoko zerbitzua eskaintzen die buru osasun arazoak dituzten pertsonei eta haien familiei.
Zerbitzu honen bidez, buru osasun arazoak dituzten pertsonen eta haien familien eskubideak defendatzeko aholkularitza pertsonalizatua eman nahi da. Aholkularitza hori funtsezkoa da pertsona horien eta haien familien eskubideak defendatzeko.
Buru osasun arazoei dagokienez, aholkularitza ematen da zuzenbideko hainbat arlotan (zibila, penala, lanekoa, soziala…). Helburua, buru osasun arazoetan eragina duten alderdi juridikoei buruzko informazio espezializatua ematea.
Arreta emateko, elkarrizketa pertsonalak egiten dira gure elkarteetako egoitzetan, astero, hitzordua eskatu ondoren, eta telefono bidezko laguntza ere ematen da.
Buru osasun arazoak dituzten pertsonen eta haien familien eskubideak defendatzea da Buru Osasuna Euskadi federazioaren xedea
Espetxe-arretako programak laguntza ematen die Euskadiko espetxeetan buru osasun arazoak dituzten pertsonei, hainbat jardueraren bidez.
Sail honetan formakuntza ematen da buru osasuneko arazoak dituzten pertsonentzat, familientzat eta elkarte eta federazioko profesionalentzat.
Heziketa Euskadiko Osasun Mentaleko Emakumeen Berdintasunerako Arloak planifikatzen du, generoari dagokionez: berdintasuna, indarkeria, etab.
Ikerketa, Garapen eta Berrikuntza saila (I+G+b) oso garrantzitsua da Buru Osasuna Euskadi federazioarentzat. Bere xedean bertan zehazten duenez, “buru osasun arazoak dituzten pertsonen eta haien senideen bizi-kalitatea hobetzea helburu duten ekimenetan ikerketa, hartu-emana, ikaskuntza eta berrikuntza sustatzeko sortu da”.
Sail honek bi helburu nagusi ditu:
- EAEn buru osasun arazoen gaixotasunen ezagutzan eta analisian sakontzea, bai eta gaixotasun horiek gizartean eta gizarte- eta osasun-gaietan duten eraginean ere.
- Buru osasun arazoak dituzten pertsonentzako eta haien senideentzako zerbitzuetan aldaketak, hobekuntzak eta berrikuntzak identifikatzea.
Buru Osasuna Euskadik urtero planifikatzen ditu I+G+b arloan egin beharreko lanak, interesgarriak diren gai jakin batzuetan sakontzeko eta aldaketak eta berrikuntzak identifikatzeko.
Buru Osasuna Euskadik I+G+Bren aldeko apustua egin du, buru osasun arazoak dituzten pertsonen eta haien familien bizi-kalitatea hobetzeko.