)
Jarduera arloak
Sareko lana
Gure elkarte-mugimenduak elkarlanean dihardu buru osasuneko arazoak dituzten pertsonen eta haien familien bizi-kalitatea hobetzeko eta haien eskubideak defendatzeko.
Buru Osasuna Euskadik euskal elkarte-mugimendua koordinatu eta dinamizatzen du, hura indartzea bilatuz, eragin politikoan lan eginez eta kontseilu eta foroetan parte hartzen du buru osasun arazoak dituzten pertsonei eta haien familiei ahotsa emateko.
Batzar Nagusia Buru Osasuna Euskadiko gobernu-organo gorena da, eta elkarte bazkideek osatzen dute.
Zuzendaritza Batzordea gobernu organoa da eta elkarte guztiek osatzen dute.
Buru Osasuna Euskadiko Gerenteen Batzordea elkarte eta federazio guztietako gerenteek osatzen dute, eta bere eginkizuna arazo teknikoak aztertzea eta gai ezberdinak koordinatzea da.
Batzordeetan edo lantaldeetan antolatzen gara, hainbat ekintzatarako, gai zehatzak aztertzeko, ikerketak egiteko eta abarretarako. Sortzen diren gaietan ezagutza eta jarrera partekatzeko aukera ematen diguten batzordeak dira.
- Lehen Pertsonan Batzordea. Bertan buru osasunean esperientzia propioa duten pertsonek parte hartzen dute, eta Estatuko Batzordearekin artikulatzen da.
- Emakumeen Berdintasunerako Arloa buru osasunean esperientzia duten kideek, emakume profesionalek, senideek eta zuzendaritza batzordeko kideek osatzen dute. Sail honek Estatuko Emakumeen Sarean parte hartzen du..
SALUD MENTAL ESPAÑA konfederazioan gaude, eta organo eta batzordetan parte hartzen dugu:
- Batzorde iraunkorra
- Zuzendaritza batzordea
- Gerenteen batzorde teknikoa
- Giza eskubideen batzordea
- Buru osasunaren aldeko lehen pertsonako batzordea
- Salud Mental España Konfederazioko Emakumeen Estatuko Sarea
Federazioak euskal elkarte mugimenduaren lan guztia Estatuko elkarte-mugimenduarekin koordinatzen du.
Atal honetan, parte hartzearekin zerikusia duten federazioaren bi balio aipatu nahi ditugu.
- Parte-hartzea: Federazioak bere interes talde guztien lankidetza sustatzen du helburu orokorra, xedea eta ikuspegia betetzeko, parte-hartzea bermatuko duten ekintzak eta jarrerak bultzatuz.
- Demokrazia: Federazioan erabakiak elkarrizketaren eta adostasunaren bidez hartzen dira, bozketa aurreko estrategia gisa. Alde horretatik, federazioak funtzionamendu eta jarrera demokratikoak ditu.
Buru Osasuna Euskadi federazioaren helburua da buru osasun arazoak dituzten pertsonen eta haien familien bizi-kalitatea hobetzea eta haien eskubideak defendatzea. Lan hori modu parte-hartzaile eta demokratikoan egiten dugu, elkarte-mugimendua osatzen duten taldeen bidez.
Dokumentuak, ikerketak eta jarrera hartzeak taldeen partaidetzatik, elkarrizketatik eta adostasunetik egiten ditugu, gure erakundearen balio gisa.
Buru Osasuna Euskadiren arabera, elkarrizketa zibila politika publikoetan benetan eta eraginkortasunez parte hartzea da, politikak buru osasun arazoak dituzten pertsonen eta haien familien beharretara egokitzeko.
Buru Osasuna Euskadiren arabera, elkarrizketa zibila politika publikoetan benetan eta eraginkortasunez parte hartzea da, politikak buru osasun arazoak dituzten pertsonen eta haien familien beharretara egokitzeko.
Hainbat organotan gaude, eta parte-hartze aktiboa dugu autonomia-erkidegoko arau-proiektuetan eta esparru estrategikoetan.
Buru Osasuna Euskadi honako organo instituzional hauetako kidea da:
- Gizarte Zerbitzuen Euskal Kontseilua.
- Gizarteratzearen Euskal Kontseilua.
- Familien Euskal Kontseilua.
- Elkarrizketa Zibilerako Mahaia eta komisioak.
- Buru Osasunaren Aholku Kontseilua.
Senideekin eta profesionalekin batzorde transbertsaletan parte hartzeaz gain, buru osasun arazoak dituzten pertsonak batzorde espezifikoetan biltzen dira, ahalduntzeko
Buru Osasuna Euskadiko Lehen Pertsonan Batzordea
Buru osasunean esperientzia duten elkarteetako pertsonek osatutako batzordea da. Ekimenak partekatzea eta hainbat gaitan parte hartzea du helburu. Batzorde honek buru osasun arazoak dituzten pertsonen parte-hartzea eta ahalduntzea bilatzen du.
Batzordeak hainbat ekintzatan parte hartzen du, hauek dira horietako batzuk:
- Jardunaldi, aurkezpen eta hitzaldietan: buru osasun arazoak dituzten pertsonak eta ikustarazteko eta beren ahotsak entzunarazteko.
- Erakundeen lantaldeetan: Osasun sailaren buru osasun arazoak dituzten pertsonen estigmari buruzko erakundeen arteko mahaian ageri da.
- Konfederazioaren eta federazioaren ekitaldi eta ekintzetan: ekitaldi instituzionala, plan estrategikoari buruzko hausnarketa, dokumentuak, etab.
- Batzordeak erabakitzen dituen gaietan.
Lehen Pertsonan Batzordeak Salud Mental España konfederazioaren Buru Osasunaren Aldeko Batzordean parte hartzen du. Beste batzorde autonomiko batzuekin lan egiten du elkarte-mugimendu osoa ahalduntzeko eta parte-hartzea bultzatzeko.
Buru Osasuna Euskadiko Emakumeen Berdintasunerako Saila
Bere eginkizunak berdintasuna lortzea ahalbidetuko duten ekintzak proposatu eta zuzentzea, ‘Emakumea eta buru osasuna’ kanpaina diseinatzea eta ahalduntzeko, emakumearen aurkako indarkeria salatzeko eta buru osasun arazoak dituzten emakume eta gizonentzako formakuntza-ekintzak eta kolektiboa ikusarazteko ekintzak sustatzea da.
Buru Osasuna Euskadiko Emakumeen Berdintasunerako Sailak Salud Mental Españaren Emakumeen Sarean eta landa-eremuan buru osasun arazoak dituzten emakumeak ahalduntzeko Hub Genera sarean parte hartzen du.
Eskubideen defentsa gure jardueraren ardatz garrantzitsua da, eta politika publikoetan eraginez, diskriminazio-egoerak salatuz eta pertsonen eta familien egoerak eta beharrak ezagutarazteko ordezkatuta gauden foro guztietan ekarpenak eginez gauzatzen dugu. Era berean, guri eragiten diguten dokumentu, araudi, plan estrategiko eta abarretan parte hartzen dugu, pertsonen eskubideak sustatzen dituzten jardunaldi eta ekitaldietan ez ezik.
Gure eskubide-esparrua Desgaitasuna duten Pertsonen Eskubideen Nazioarteko Konbentzioak osatzen du. Esparru horretan bultzatzen ditugu gure ekintza guztiak.
Euskadiko hirugarren sektore sozialaren egituraketan parte hartzen dugu.
Hirugarren sektore sozialeko sareetan parte-hartze aktiboa dugu:
Euskadiko Hirugarren Sekore Soziala: Sareen Sarea
Sareen Sarearen sortzaileak izan gara, euskal hirugarren sektore sozialeko beste sare autonomiko batzuekin batera. Plataforma honetan oso parte-hartze aktiboa dugu, zuzendaritza-karguetan eta lan-batzorde, ekitaldi eta abarretan parte hartuz, buru osasun arazoak dituzten pertsonen, familien eta elkarte-mugimenduaren ahotsa altxatzeko.
Desgaitasunaren Euskal Sarea: Edeka
Edekaren sortzaileak izan gara, eta bertan modu aktiboan parte hartzen dugu desgaitasunaren beste sare autonomiko batzuekin batera. Sarearekin konpromisoa dugu sorreratik. Zuzendaritza-batzordean, ekitaldi-batzordeetan eta abarretan parte hartzen dugu, desgaitasunetik abiatuta indarrak batzeko eta desgaitasunen bat duten pertsonentzako eskubideak eskatzeko.